Сорос: шикасти евро ва ИА барои ҷаҳон пайомадҳои фоҷиавӣ дорад

Газета.ру. Ҷорҷ Сорос, сармоягузор ва корманди молияи Амрико, изҳор дошт, ки шикасти евро ва суқути Иттиҳоди Аврупо барои шабакаи молияи ҷаҳонӣ пайомадҳои ҳалокатбор хоҳад дошт, хабар медиҳад Reuters.

"Имрӯз евро барои муттаҳидии сиёсии Иттиҳоди Аврупо хатари воқеӣ эҷод кардааст. Ба шикаст мувоҷеҳ гардидани асъори ягона заволи Иттиҳоди Аврупост",- гуфт Сорос ба журналистон дар Ҳиндустон.

Ба гуфти ӯ, вусъати буҳрони минтақаи евро бузургтар ва шадидтар аз буҳрони соли 2008 хоҳад буд. Сорос аз амали ҳукуматдорони Аврупо дар марҳилаҳои вазъи чигили иқтисодӣ интиқоди шадид кард. Дар моҳи август ӯ дар аланга додани буҳрон Олмон ва шахсан канслери он Ангела Меркелро гунаҳгор донист.

http://jumhuriyat.tj/index.php?art_id=8431 10.01.2012