Барномаи «Бурсҳо барои сафар»

Ҳамоҳангсози барнома: Нилуфар Каримова

Е-mail: osi@osi.tajik.net

Ҳадафи барнома: мусоидат ба инкишофи иртибот дар доираҳои академикӣ, омӯзгорӣ ва ҷамъиятӣ. Барқарор кардани ҳамкорӣ ва табодули озоди иттилоъ.

Афзалиятҳо: дастгирии молиявии ғолибони озмунҳои кушода барои маблағгузории хайриявии сафари шаҳрвандони Тоҷикистон барои ширкат дар конфронсу симпозиумҳо, семинарҳо ва ҳамчунин курсҳои кӯтоҳмуддат (на бештар аз 12 моҳ) дар соҳаҳои мазкур:

• Ислоҳоти ҳуқуқӣ;

• Таҳсилот;

• Ҷомеаи шаҳрвандӣ;

• Васоити ахбори омма;

• Масоили гендерӣ;

• Тандурустии ҷамъиятӣ;

• Фарҳанг ва санъат;

• Муҳити зист;

• Иқтисод.

Дархост барои иштирок дар чорабинии байналмилалӣ 2 моҳ қабл аз шурӯи он қабул карда мешавад.

Дархост барои иштирок дар чорабинии дохили Ҷумҳурии Тоҷикистон 1 моҳ қабл аз шурӯи он қабул карда мешавад.

Дар чаҳорчӯбаи озмун ҳуҷҷатҳои мазкур талаб карда мешаванд:

- дархост бо забонҳои тоҷикӣ ва ё русӣ чоп шуда бошад;

- сафарнома дар ҳаҷми як-ду саҳифа (баёни мухтасари мақсади сафар, барои маърӯзакунанда чопи пешниҳод кардани тезисҳои асосии маърӯзаашон ҳам зарур аст);

- ҳолнома;

-рӯйхати таълифоти нашршуда;

-даъватномаи расмӣ аз донишгоҳ ва ё пажӯҳишгоҳ;

-барномаи чорабинӣ;

-ду тавсиянома;

-маблағи дархостии сафар ба давлатхои Амрикои Шимолӣ ва Ҷанубӣ, Австралия ва Ҷопон на беш аз $ 2,500 ва барои дигар мамлакатҳо на беш аз $ 2,100 талаб карда шавад;

-нусхаи шиносномаҳо (дохилию хориҷӣ);

-барои намояндагони ташкилотҳои ғийридавлатӣ ба маҷмӯи ҳучҷатҳояшон нусхаи шаҳодатномаи бақайдгирии давлатии ташкилот низ пешниҳод мешавад.

Бунёд барои иштирок дар як чорабинӣ аз як ташкилот беш аз 1 нафарро маблағгузорӣ намекунад.

Бунёд амалҳои зеринро маблағгузорӣ намекунад:

- иштирок дар чорабиниҳои фанҳои дақиқ, соҳаи варзиш, сайёҳӣ ва тиҷорат;

- сафарҳои хизматии истеҳсолӣ;

- сафарҳо мувофиқи даъватҳои хусусӣ;

- сафарҳои шахсони дорои вазифаҳои воломақоми мақомоти олии давлатӣ;

- курсҳои омӯзиши забонҳо; сафарҳо бо мақсади ҳимояи рисолаи илмӣ.

Бурс барои сафар хароҷоти консулӣ барои иҷозатномаи сафар, нақлиёт, иқомат ва ғизоро фаро мегирад.

Бояд ин нуктаро ба назар гирифт:

— ба шахсоне, ки ҳисобот надодаанд, ё худ талаботи ҳисобдориро иҷро накардаанд, минбаъд аз ҷониби Шӯъбаи ТБ ИҶК-БМ дар Тоҷикистон бурс дода намешавад;

— ба дархосткунанда тӯли як соли тақвимӣ танҳо як маротиба бурс дода мешавад. Мӯҳлати яксола аз рӯзи супоридани ҳисоботи сафари охирини бурсгиранда ҳисобида мешавад;

— ИҶК-БМ дар Тоҷикистон барои гирифтани раводиди сафар, фармоиши чиптаи ҳавопаймо ва меҳмонхона кӯмак намекунад.

Хоҳиш, дархостҳоро тавассути почта ё факс ба унвони ҳамоҳангсози барномаи «Бурсҳо барои сафар» фиристед.

Таваҷҷӯҳ: Ҳамаи дархостҳои Шӯъбаи ташкилоти байналмилалии Институти «Ҷамъияти Кушода» - Бунёди Мадад дар Тоҷикистон РОЙГОН паҳн карда мешаванд.

Attachments:

File	Description	File size
TG form 2012.doc		63 Kb
TG form tj 2012.doc		86 Kb